INGQAYIZIVELE YETHUBA KOSONKONTILEKA ABASAFUFUSA E-KZN

UMNUZ Khulile Nzo uthi iCerticate in Construction Management izobhekana nezinselelo kosonkontile abasafufusa.

ZETHU PHOSWA

KWANDA kwezinselelo negebe eliphakathi kwamakhono ngezobuchwepheshe, kuholele ekutheni Construction Development Board (CIDB) ngokubambisana ne-University of Johannesburg (UJ), bezokwethula ngokusemthethweni uhlelo iCerticate in Construction Management, ngoLwesibili ekuseni ngehora lesi-7, eCoastland Hotel eMusgrave.

Ngokusho kukaSihlalo WECIDB uMnuz Khulile Nzo, uthi ngalolu hlelo kuhloswe ukuqeqesha osonkontileka abasafufusa, ukuthi ikhono labo ihlangane ngezobuchwepheshe, ukumelana ngesimo samanje ekuphilwa kuso.”Ngalolu hlelo sifisa ukuhlomisa osonkontileka abasafufusa ngokuphatha keamabhizinisi namaphrojekthi yemisebenzi yokwakha. Ukuveza bakwazi ukubhekana nezinselelo, ababhekana nazo, ngokubanika uqeqesho oluzobakhulisa ngokubanika ulwazi. Inhloso ukuthi bakwazi ukuletha umsebenzi isezingeni elicokeme.

Uveze ukuthi loluhlelo kuyingxenye yemizamo yokukhulisa imboni yezokwakha eNingizimu Afrika. UNgqongqoshe woMnyango wezeMisebenzi KwaZulu-Natal uMnuz Martin Meyer, ethule inkulumo, ngenhloso yokugcizelela ukubaluleka kokuthuthukiswa kwamakhono kosonkontileka, ukuze benze umsebenzi isezingeni eliphezulu.