UMNGQITHI UJABHISE I-SUNDOWNS EYIBAMBA NGE-DRAW
UMBIKO: MABUNHLE MLABA
UMANQOBA Mngqithi uwuqale ngenothi eliphezulu, umsebenzi wokuqeqesha iLamontville Golden Arrows, ngokuvimba iqembu elimxoshe kabuhlungu iMamelodi Sundowns.
I-Arrows ibambane neSundowns ngo 1-1 emdlalweni weBetway Premiership, obushubile eMpumalanga Stadium eThekwini izolo kusihlwa,
aseke ayiqeqesha eminyakeni edlule.
Lo mphumela usho lukhulu kuMngqithi, kwazise uphazamise iSundowns ebisophe ukunqoba umdlalo weshumi ingayazi induku, lokho kusayihambela kahle ngamathuba okusivikela isicoco seLigi njengoba eshiya i-Orlando Pirates ngamaphuzu ali-16. IBhakabhaka lona ikwazile ukunqoba ekuhambeni iChippa United ngegoli elilodwa eqandeni.
Komunye umdlalo obuseThekwini eMlazi iRichards Bay FC ibalekile ezembeni njengoba ikwaze ukunqoba ngamagoli amabili kwelilodwa ihlula iSekhukhune United okuyiyo ekwaze ukukora kuqala.
AmaZulu FC athole iphuzu elimqoka ekuhambeni ebambana ngeqanda neSupersport United, iCape Town City nayo idlale ngokulingana neTS Galaxy ngegoli elilodwa nhlangothi zombili.