KUYAQHUBEKA UKULUNGISWA KWEMIGWAQO KUMASIPALA WABAQULUSI

ABASEBENZI benkontilela ngenkathi belungisa umgwaqo.
IZITHOMBE: ABAQULUSI MUNICIPALITY

OWAMI THABETHE

IMEYA kaMasipala waBaQulusi uCllr Sifiso Mkhwanazi, uyaqhubeka nokuhambela izizinda ezahlukene ukuhlola inqubekela phambili, lapho kulungiswa khona imigwaqol.

IMeya uMkhwanazi ubephansi phezulu ngoLwesine kusihlwa ekhoneni lomgwaqo uLanddrost no-Utrecht, ehlola isimo sokulungiswa komgwaqo okuqhubekayo, njengoba kufakwa itiyela.
Ingxenye yomgwaqo olungiswayo isuka ngemuva kwesitolo, uShoprite, ubheke eMthashana TVET College.

“Ukuvakashela lezi zindawo, kuwukuqinisekisa ukuzibophezela ngengqalasizinda esezingeni eliphezulu, ukuthuthukisa imiphakathi engaphansi kwaMasipala waBaQulusi. Senza
ncono ukuhlinzeka izidingo zabantu nokuphucula inhlalo yawo,” kubeka iMeya uMkhwanazi. ‎