UKHAWULA UHLONIPHE UMALUSI MBOKAZI
UMCULI uMalusi Mbokazi noNgqongqoshe uKhawula. IZITHOMBE:KZNDSAC
AKHONA DLAMINI
UMNYANGO wezeMidlalo ezobuCiko namaSiko KwaZulu-Natal, oholwa uNgqonqoshe uMntomuhle Khawula, uchome uphaphe lwegwalagwala umculi woKholo uMalusi Mbokazi.
Lokhu kwenzeke emcimbini wokugubha iminyaka eyi-10, kaMalusi Mbokazi obizwa ngeThe Revival With Malusi Mbokazi, obekungowokugubha eChief Albert Luthuli Convention Centre, eThekwini, ngoMgqibelo.
UKhawula uhloniphe uMalusi ngendima ayiklamile kwezobuciko, wamnika nesipho esikhethekile esiyisithombe esikhulisiwe.
UNgqongqoshe uthe uzoqhubeka nokweseka abaculi baKwaZulu-Natal, ngokwakha amathuba azosiza ekuthuthukiseni nasekukhuliseni umkhakha wezobuciko.
