ITHEKU NOHLELO LOKUFUKULA OSOMABHIZINISI
UHLELO oluzobe lushayelwa inkakha yomsakazi uLinda Sibiya, luzobanjelwa eMlazi.
ISITHOMBE: FACEBOOK
AKHONA DLAMINI
UMASIPALA weTheku uzobamba uhlelo lweSouth Regional Durban Business Fair, ngenhloso yokukhulisa umnotho wasemalokishini nokuvulela osomabhizinisi amathuba okuthola abathengi.
Lolu hlelo luqala namuhla mhla zi-2 kuya mhla zi-4 kuMfumfu 2026 KwaMnyandu Shopping Centre.
Uhlelo lwanonyaka luhlelwe ngaphansi kwesiqubulo esithi “Regional Fairs: Growing Township Businesses and Strengthening Local Economies” kulindeke ukuthi kube nezinkulumo zihambe kulowo mgudu.
Kudidiyelwe osomabhizinisi abasafufusa nasebekhulile ngokwezinga abevile ku-150 abazobe bekhangisa ngemikhiqizo nezinsiza zabo.
Kuzophinde kube nezinhlelo ezahlukene okubalwa kuzo iBusiness Indaba, iBusiness Empowerment and Market Access Seminar, iMake-up and Beauty Masterclass, iKiddiepreneur Garden neFlavours of Durban. Ngale kwalokho kuzoba neseshini yeW&RSETA Engagement Masterclass, ezogxila emathubeni okuthuthukisa amakhono emkhakheni wezokudayisa nokuhweba.
Ngosuku lokugcina kuzomenyezelwa abathathu abazobe benze kahle emncintiswaneni weBest Stand Competition, njengoba kunohlelo lomqhudelwano wabo osomabhizini. Luqale ngehora lesi-09h00 kuya kwele-17h00, zonke lezi zinsuku ukungena kumahhala.
