I-SUNDOWNS IDLULELE KOWAMANQAMU KOWE-CAF

UMBIKO: MZWANDILE MHLONGO

I-MAMELODI Sundowns idlulele kowamanqamu we-CAF champions league, idlala ngokulingana ne-Al Alhly emlenzeni wesibili wemidlalo eyandulela owamanqamu.

Umdlalo uphele zibambene ngegoli elilodwa ngapha nelilodwa ngale, lo mdlalo obudlalelwa Cairo international stadium.

EzaseGibhithe zikore kuqala maphakathi nesiwombe sokuqala, ngegoli elivalelwe enethini uTaher Mohamed, kanti elamaSadawana lingene usuyophela umdlalo lapho umkhonto kaYasser Ibrahim ugwaza ekhaya.

ISundowns idlule ngenxa yokushaya igoli ekuhambeni, njengoba iAl Alhly yahluleka ukubona inethi emlenzeni wokuqala epitoli, njengoba umdlalo waphela zibambene ngeqanda macala womabili