KUBOSHWE OWESILISA OKHIQIZA UGOLOGO OWUMBOMBAYI
UGOLOGO owumbombayi wakwaSmirnoff kanye nemiphongolo lo wesilisa avovela kuyona. ISITHOMBE: Facebook
NOMCEBO NGEMA
UKHALELWE amasongo kaSigonyela owesilisa oneminyaka eyi-29 ubudala, waseMlazi, kulandela ukubanjwa oqotsheni evubela ugologo womgunyathi.
Lo wesilisa uboshwe uphiko lwama-Hawks ngokubambisana nawoBugengu Obuhleliwe ngoLwesithathu, ekhanda edidiyela umbombayi kagologo iSmirnoff 1818.
Kuzokhumbuleka ukuthi amaphoyisa asanda kuthola isidleke sendawo ekhiqiza ugologo owumbombayi iSmirnoff 1818 nolunye uhlobo lotshwala eHowick naseThekwini.
Kule ndawo kwatholakale amalebuli ahlukahlukene otshwala, imishini yokuvubela kanye nemishini yokufaka amalebuli.