UKHOZI FM LUSIVALILE ESAVULEKA KUHAMBA USBONGI

UMBIKO: MABUNHLE MLABA

UKHOZI FM seluqoke umphathi siteshi (Business Manager.) ngemuva kwezinyanga ezinhlanu lungenayo. I-SABC iqoke uLwazi Mthabela obeyiMarketing Manager kulo msakazo ohamba phambili ngabalaleli e-Afrika. Ungena ezicathulweni zikaSibongi Ngcobo oshiye isigubhukane ngoNovember ngonyaka odlule. Kwavela ukuthi wayephenyelwa izinsolo ezibucayi. Ukuhamba kukaSbongi Ngcobo, kwaholela ekutheni kubanjiswe uBusaphi Mthembu, osezobuyela esikhundleni sakhe sokuba i-KZN Regional News Editor. Isikhala seProgrammes Manager, esivuleke kuhamba uPearl Maseko, asikavalwa, kusabanjiswe uMandla Mdletshe. Okuvelayo ngamagalelo kaMthabela ukuthi uke wasebenza ophikweni lakwaSales kwiGagasi 99.5FM, kanti ungumfowabo womlingisi uMuzi Mrhanelwa oseke wabonakala emdlalweni emikhulu njengeGenerations: The Legacy ne-Isibaya