BAYAZIQHENYA NGOKWESEKA IMIDLALO YABAKHUBAZEKILE

ZETHU PHOSWA

UNGQONGQOSHE uthi bayaziqhenya ngokweseka nokugqugquzela ezemidlalo kubadlali abakhuzekile.

UNgqongqoshe Mntomuhle Khawula ohola uMnyango wezeMidlalo, ubuCiko namaSiko KwaZulu-Natal  uthe ezemidlalo zihamba phambili ekubumbeni umphakathi waseKZN. 

Lo Ngqongqoshe ukhulume kanje ngemuva komqhudelwano i2024 KZN Provincial Disability Games. 

Lo mqhudelwano yezemidlalo yabaphila ngokukhubazeka ibiseVictoria Mxenge Indoor Sport Centre eMlazi, ngoMgqibelo. 

Kulo nyaka kukhonye isifunda Amajuba esithole amaphuzu angu-14, kwalandela iTheku  elithole amaphuzu angu-9 kwavala isifunda Ilembe ngamaphuzu angu-8. 

Ekhuluma uKhawula uncome isasasa lalo mqhudelwano, wathi bewuMnyango wezeMidlalo bahlose ukwakha ubumbano nokuqhakambisa abadlali abakhumbazekile eKZN.

“Sibongela isifunda saMasipala Amajuba ngokudla umhlanganiso. 

“Sibongele bonke abadlali ababambe iqhaza kulo mqhudelwano ukuzinikela kwabo nokubekezela kwabo kwenyuse isasasa lezemidlalo. 

“Lo mqhudelwano usikhombise ikhono elikhona lapha KwaZulu-Natal labadali abaphila ngokukhubazeka,” kubeka uKhawula.

newsroom@umusamedia.co.za