UMPENDULO UPHENDULE INJABULO KWAMTHEMBU NGOWE-DUNDEE JULY
UMBIKO: ZETHU PHOSWA
umusamedia1@gmail.com
AMEHLO abethe njo kwiDundee July 2025 ebigubha iminyaka engama-20 yasungulwa futhi ihlonipha owayengumsunguli wayo ongasekho.
Lo mjaho oshintshe imudi ngenxa yokuthu bekungokokuqala yenziwa engasekho uMnuz Mike Mthembu, owayengumsunguli walo mdlalo, oshone ngonyaka owedlule.
UMnyango wezeMidlalo, ezobuCiko namaSiko nabadunguli babe sebenquma ukusungula umjaho ozokuba yiwo omkhulu wokuhlonipha uMthembu, ngenxa yegalelo ekusunguleni lo mjaho womtelebhelo okugcine kuhlomula umphakathi wale ndawo, kwaze kwakapakela kulesi sifundazwe sonkana.
“Namuhla sihlonipha umsunguli walo mjaho ongasekho. Sibe sesisungula umjaho oyisipesheli wokubonga iqhaza alibambile ekuthuthukiseni umphakathi nasekuthuthukuseni umnotho KwaZulu-Natal,” kusho uNgqongqoshe Khawula.