ITHEKU NOBUCHWEPHESHE BUKOPHEHLA AMANDLA

ANELE ZUMA

UMASIPALA waseThekwini usumemezele uhlelo olukhulu lokukhiqiza amandla, ngenhloso yokulwa nokuguquguquka kwesimo sezulu, nokuqinisekise ukugwema ukucishwa kukagesi.
Lolu hlelo lokukhiqiza ugesi ongu-400 MW lwethulwe kwisithangami sabezindaba uMnuz Sibusiso Ntshalintshali woMnyango Wezamandla ngaphansi kwalo Masipala, e-Durban Botanical Garden, ngoLwesihlanu.

“Zonke izinto zobuchwepheshe esizisebenzisayo lapha zihlanzekile, azikhiphi imfucuza emkhathini futhi ziqondene nesimo sezulu,” kuchaza uMnuz Ntshalintshali.

Izinhlelo zizohlanganisa u-100 MW welanga ozofakwa eCato Ridge, u-300 MW wagesi oseSouth Durban Basin osebenzisa amapayipi akhona.

Umphakathi nawo kulindeleke ukuthi uhlomule ku-R231 million ozogxila ezinhlelweni zokuthuthukiswa komphakathi, okuyilapho amabhizinisi amancane ezothola u-R65.2 million wokwesekwa.

UMnuz Ntshalintshali uthe ukwakhiwa kuzothatha iminyaka emithathu kusukela ngo-2027 kuya ku-2029.