ZIBOPHE IFINDO LIKASOFA SILAHLANE IZITHANDANI ZE-HOUSE OF ZWIDE
UWANDA Zuma noShalate Sekhabi emshadweni wabo. ISITHOMBE: FACEBOOK
PHUMELELE DLAMINI
ABALINGISI bomdlalo kamabonakude iHouse of Zwide, uWanda Zuma noShalate Sekhabi babophe ifindo likasofa silahlane ngempelasonto esiphuma kuyo.
UWanda olingisa indawo kaNkosi, noShalate olingisa indawo kaShoki, bebenze umshado wesintu obuhambisana nomembeso obusezingeni eliphezulu. Laba balingisi badlala indawo yezithandani kuwona lo mdlalo iHouse of Zwide, baqale ukwana khona kulo mdlalo ngonyaka ka-2021.
Lezi zindaba zishiye abalandeli abaningi bejabule, njengoba baqala ngokulingana bethandana usaqala lo mdlalo, kanti bazogcina sebethandane ngempela. Abalandeli bashiye imiyalezo yenjabulo ezithombeni zomshado ezisabalele ezinkundleni zokuxhumana.