U-STEENHUISEN UYAHOXA KWISIKHUNDLA SOBUMENGAMELI

UMENGAMELI we-DA uMnuz John Steenhuisen uthi akabuyi kwesobumengameli ngemva kwengqungquthela. ISITHOMBE: DA

NOMCEBO NGEMA

IQEMBU lezepilitiki iDemocratic Alliance (DA), izoshintsha umengameli walo ngengqingquthela ezayo, lokhu kuqinisekiswe yilowo onguMengameli weqembu uMnuz John Steenhuisen.
USteenhuisen uthi ngeke alungenele ukhetho lwesikhundla sobumengameli kwingqungquthela yalo leli qembu ezoba ngo-Mbasa kulonyaka.

Kuthiwa iMeya yase-Cape Town uGeordin Hill-Lewis, iyona engase iqokwe ukuqhiqhobala esobumengameli waleli qembu, kuthiwa lokhu kuza ngemva kokuthi, kuvunyelwene ngokuthi uma uSteenhuisen eshiya esobumengameli, kodwa kugcinwe isikhundla sakhe sokuba uNgqongqoshe wezoLimo, no-Hill-Lewis naye kuthiwa uthe akanankinga nokuhola leli qembu.