KUSHONE UMFUNDI ESIKOLENI EMLAZI
I-ANC Youth League ixoxisana neskole eMlazi. ISTHOMBE: Facebook
PHUMELELE DLAMINI
KUQHUME isililo eMenzi High School, eMlazi ngemva kokuhlaselwa kwabafundi abebedayisa uswidi ngaphandle kwesikole. Umfundi oyedwa ushonile kanti ababili balimale kanzima baphuthunyiswa esibhedlela.
Ngokuthola kwaleli phephandaba kuthiwa laba bafundi bahlaselwe owesilisa obejwayele ukudayisa ngaphandle kwesikole.Imibiko iveza ukuthi lo wesilisa ubephoqa abafundi ukuthi bakhokhe imali uma befuna ukudayisa esikoleni, okuyilapho kugcine sekuba nodlame khona ngemuva kokuthi benqabe ukukhokha. I-ANC Youth League ivakashele endaweni yesigameko iyozwelana nesikole.