ITHOLE ITHUBA ELIYINGQAYIZIVELE INTSHA YASE-VRYHEID

OWAMI THABETHE

INYELWE inyoni esandleni intsha eyi-15, eqhamuka ngaphansi kukaMasipala waBaQulusi, kulandela ukunikwa ithuba lokuyofundela ukufuya izinkukhu, kwisifunda we saseNorth West.
Lentsha ikhethwe
uMnyango weZolimo nokuThuthukiswa kweziNdawo zaseMakhaya, ukuthi ibambe iqhaza ohlelweni lweNational Rural Youth Service Corps (NARYSEC), okuwuhlelo olumayelana nokufundela ukufuya izinkukhu.

IMenenja kaMasipala waBaQulusi, uNkk Sbonga Dlamini uhalalisele lentsha eqokiwe, wayifisela indlela enhle.

“Kuyisifiso sikaMasipala ukuthi lawa mathuba abahlomisa intsha, intsha iwabambe ngezandla zombili. Lolu ulwazi okungeke baliphucwe muntu, elizokwenza ikusasa eliqhakazile, liphinde lithuthukise imiphakathi yabo,” kusho uNkk Dlamini.

Kulaba abayi-15 abakhethiwe, abayi- 7 baphuma kuWard 2, kanti abangu 8 baphuma kuWard 4.

Lolu hlelo luvula amathuba emisebenzi, ibambe iqhaza ekuthuthukiseni izindawo zasemakhaya.