I-CHIEFS NOMDLALI OMUSHA
UMBIKO: MABUNHLE MLABA
IKAIZER Chiefs isimemezele ukuthi isisayinise uNkanyiso Shinga, okhuliswe yiKZN Academy, yize ebesegijima phesheya kwezilwandle.
Lo mdlali odlala kwesobunxele emuva kuthiwa uzogqoka unombolo 74.
UShinga, oneminyaka eyi-25, ubedlala kwi-FC Alverca edlala esigabeni esiphezulu ePortugal kanti ugijime emdlalweni engu 22 kuleli qembu eliphethwe isihlabani seReal Madrid uVinicius Jr.
UShinga uzovala isikhala esivuleke ngokudedelwa kuka-Edmilson Dove.
Lo mdlali uzojoyina abanye abadlali abasha abadlala njengezitobha uPaseka Mako noThabiso Monyane abasuka kwi-Orlando Pirates, Ethan Chislett obedlala kwiPort Vale eku-English League One nomgadli uFlávio Silva waseGuinea Bissau obesemabhukwini ePersebaya Surabaya yase-Indonesia.