INJABULO KWETHULWA UMAYO

UKhanyisa Mayo

MALIBONGWE MAZIBUKO

INJABULO ibibhalwe emehlweni kubaphathi nabadlali beKaizer Chiefs, kutheleka umgadli omusha waleli qembu uKhanyisa Mayo eNaturena.
Lokhu bekungukuqinisekisa ukuthi uMayo uselijoyinile leli qembu.
Lo mdlali ubegijima eqenjini lase- Algeria iCR Belouzdad, edlala kwi-Algerian Premier League, wadedelwa ngesizathu sokungabi ezinhlelweni zikamqeqeshi uSead Ramovic.
Abalandeli beqembu nabo abasalanga ngaphandle kule njabulo yokufika kuka Mayo eNaturena, bancome ezinkundleni zokuxhumana. UKaizer Jr Motaung uthe ukufika kuka Mayo kufeze iphupho lakhe njengoba kade aqala ukumeshela lo mdlali.
IKaizer Chiefs kulindeleke ukuthi iqhubeke nomgqigqo walo wokungahlulwa njengoba lizokwamukela iSekhukhune United ngolwesibili mhla ziyi- 16 kuMandulo eFNB Stadium kumdlalo wesithupha kwi Betway Premiership.