OWE-BANYANA UZOHLONISHWA E-HALL OF FAME
UZOHLONISHWA e-Hall of Fame owayengukaputeni weBanyana Banyana. ISITHOMBE: GSports4girls
MALIBONGWE MAZIBUKO
KUZOHLONISHWA owayengukaputeni weBanyana Banyana uJanine van Wyk ozofakwa kwiHall of Fame yaseNingizimu Afrika ngenyanga ezayo mhla ziyi-14 kuLwezi 2025, encimbini ozokuba seSilverstar Casino Hotel eMuldersdrift.
Le ntokazi izojoyina umdlali wasemuva osewathatha umhlalaphansi noMqeqeshi weJVW, okuzohlangana WA nazo lezi zingwazi zebhola laseNingizimu Afrika.
Abadlali aseke bahlonishwa yiHall of Fame kubalwa , abeBafana Bafana uMark Fish, uDoctor Khumalo, uMark Williams, u-Aaron Mokoena.
UPhillimon Masinga ongasekho noClive Barker owanguMqeqeshi Omkhulu bahlonishwa ngemva kokudlula emhlabeni.
UFish, uKhumalo, uWilliams noMasinga baklama indima enkulu ekusizeni iqembu lesizwe ukuthi liphakamise i-CAF Africa Cup of Nations ka-1996, baphinde bayomela iNingizimu Afrika eNdebeni yoMhlaba yokuqala ngqa yeFIFA ngonyaka we-1998 eFrance.
UVan Wyk uzoba ngumdlali webhola wesibili wesifazane waseNingizimu Afrika ukugcotshwa, elandela ezinyathelweni zomqeqeshi weBanyana Banyana, u-Desiree Ellis, ohlonishwe ngoLwezi ngonyaka owedlule, ehambisana nezingqalabutho uDkt Jomo Sono, uLucas Radebe, uTeenage Dladla, u-Ephraim Shakes Mashaba, uNeil Tovey no-Ace Ntsoelengoe.
Abanye abahlonishwe ngalolu hlobo ngabaphathi bebhola eNingizimu Afrika, uDkt Irvin Khoza, uDkt Kaizer Motaung noDkt Danny Jordaan.