ICHIEFS IBOLEKISE ABE-DISKI KWAWE-CHAMPIONSHIP
UMDLALI weKaizer Chiefs, uNkosana Mbuthu obolekiswe kwiLeicesterford City
edlala kwiMotsepe Foundation Championship. ISITHOMBE: ASIDLALI
LUBANZI NONKOSI
IKAIZER Chiefs inqume ukubolekisa abadlali abayisithupha abebedlala eqenjini layo leDStv Diski Challenge.
Amakhosi angompetha beDiski bangesizini edlule, basenalo ithuba lokusivikela lesi sicoco kule ligi okuqhwakele kuyona i-Orlando Pirates. Nokho aqoke ukubolekisa ngabadlali abayisithupha abayisize yaqeda ishobolo lokuhluleka ukuwina iDiski. Abayisihlanu balaba badlali babolekiswe emaqenjini adlala kwiMotsepe Foundation Championship.
Laba badlali nguManqoba Ozoemena, Ofentse Kgosana (Castric Stars), Nkosana Mbuthu (Leceisterford City), Siyabonga Gumede, Sifiso Timba (Gomora United) noBobo Sima (Mochudi Centre Chiefs, Botswana)
Umqeqeshi weChiefs kwiDiski, uVela Khumalo, uthe:” Laba bafana sebevele bayiwinile iligi, sekufanele bayovivinywa futhi bangene enkundleni okuyinto ebalulekile. Lokhu kuvulela isikhala abadlali abasebancane ukuthi begqame njengoba sesigxile ohlelweni lweminyaka emithathu nabadlali abazalwa ngo-2008.”
Kubadlali beChiefs abanyuselwa esikimini esikhulu besuka kweseDiski, kubalwa uNkosingiphile Ngcobo, Mduduzi Shabalala, Mfundo Vilakazi nabanye.