INKONZO YESIKHUMBUZO SIKA-NJINJI IZOKUBA OKHOZINI FM
UMANDLA Magwaza ongasekho emhlabeni. ISITHOMBE: UKHOZI FM
NOMCEBO NGEMA
IZOBA kusasa ngehora le-12:00 emini ezindlini zomsakazo ku-Ukhozi FM (SABC M1 Studio) inkonzo yesikhumbuzo sikaMandla “Njinji” Magwaza oneminyaka engama-42 ubudala.
UMandla waduma kakhulu emsakazweni uKhozi FM, udlule emhlabeni ngoMgqibelo ngemva kokubanjwa ukugula isikhashana esincane.
“Siwumndeni wakwaMagwaza sisashaqekile ngokudlula emhlabeni kwendodana yethu uMandla, ubengubhuti, engubaba, engumyeni aphinde abe ilunga lomndeni, uMandla wazalwa mhla ziyi-8 kuZibandlela ngonyaka ka-1984. Udlule emhlabeni ngoMgqibelo esibhedlela ngezikhathi zasekuseni, kulandela kokuxinwa ukugula isikhashana,” kusho isitatimende somndeni.
