UMASIPALA WABAQULUSI UQINISEKISA UKUTHOLA ISABELO-MALI
IMEYA uCllr Sifiso Mkhwanazi eqinisekisa ukuthi uMasipala waBaQulusi usitholile isabelo-mali.ISITHOMBE: ABAQULUSI MUNICIPALITY
NOMCEBO NGEMA
IMEYA kaMasipala waBaQulusi uCllr Sifiso Mkhwanazi, usuqinisekise ukuthi usitholile isabelo mali sonyaka ka-2026/27 (Equitable Share), eyayibambeke ngokungafanele yiSikhwama Sezimali Sikazwelonke (National Treasury).ISikhwama Sezimali Sikazwelonke saqinisekisa phambilini ukuthi uMasipala waseBaQulusini wafakwa ngephutha, ohlwini lomasipala abagodlwelwe izabelo zabo zezimali ngenxa yokungalandeli imithetho.IMeya idlulisa ukubonga kwiSikhwama Sezimali seSifundazwe nesikaZwelonke, wagcizelela ukuzibophezela kwakhe ekwakheni ubudlelwano obuhle nalezinhlaka ezibalulekile.