AMAPHOYISA ADUBULANE NABASOLWA KWAFA ABAYI-4

UMBIKO : AKHONA DLAMINI

SEKUYINSAKA vukela ukuthi abasolwa bangakwazi ukuthobelana nokusebenza kwamaphoyisa, lokhu kulandela ukuthi abasolwa abane, belale uyaca ngemuva kokudubulana namaphoyisa, eMlazi izolo ebusuku.
Kulesi sigameko abasolwa abane badutshulwe babulawa, bebemataniswa namacala amaningi okubulala eNanda.
Kuvele ukuthi balandelwe amaphoyisa ngemuva kokuthi epotshozelwe ulwazi mayelana nokuthi bakuphi.
Kuthiwa ngesikhathi amaphoyisa efika kubasolwa enxanxatheleni yezitolo eMlazi, abasolwa bazame ukubaleka bavulela ngezulu lezandla bebhekise emaphoyiseni, nawo abe eseziphendulela ngenhlamvu, bashona bonke abasolwa abane.
UCol Robert Netshiunda okhulumela amaphoyisa KwaZulu-Natal usiqinisekisile lesi sigameko.
Uthe ngenhlanhla, awekho amaphoyisa alimalile ngesikhathi kudutshulwana..
Uphenyo lwamaphoyisa lusaqhubeka.