BATHOLE UXHASO OSOMABHIZINISI ABANCANE
UNGQONGQOSHE uMfundisi Musa Zondi, iMeya uCllr Chris Pappas, benikelela osomabhizinisi abancane.
IMEYA uCllr Chris Pappas inika usomabhizinisi izinsiza kusebenza. IZITHOMBE: UMNGENI MUNICIPALITY
NOMCEBO NGEMA
BANYELWE Inyoni esandleni osomabhizinisi abancane baseMngeni, ngesikhathi bethola uxhaso lwezinsiza kusebenza, oluqhamuka kuMnyango wezokuThuthukiswa koMnotho, ezokuVakasha nezeMvelo KwaZulu-Natal, oholwa uMfundisi Musa Zondi ngokubambisana noMasipala waseMngeni oholwa iMeya uCllr Chris Pappas. Umnyango kaNgqongqoshe uMfundisi uZondi uxhase lolu hlelo ngemali eyi-R1000 000, kwathi uMasipala waseMngeni nawo wakhipha uR1000 000 wokuxhasa osomabhizinisi abangama-29. Osomabhizinisi abahlomulile abaseMpophomeni, ePetros Stroom naseCedara.
