UMHLENGIKAZI WASEKING DINUZULU UMISIWE
UMHLENGIKAZI wasesibhedlela iKing Dinizulu, ehlokoloza isiguli. ISITHOMBE: FACEBOOK
AKHONA DLAMINI
UMNYANGO Wezempilo KwaZulu-Natal usumise umhlengikazi waseKing Dinuzulu Hospital, obandakanyeka esigamekweni sokushaya isiguli, ngemuva kokusabalala kwevidiyo yalesi sigameko ezinkundleni zokuxhumana.
Umnyango uthe incwadi yokumiswa okwesikhashana isidluliseliwe kumhlengikazi, ukumiswa kuqale ukusebenza ngokushesha, okwamanje kusalindwe ukuphothulwa kwemigomo yokuqondiswa kwezigwegwe.Kuphinde kwaqokwa umphenyi ozokwenza uphenyo oluphelele ngalesi sigameko. Umnyango uthe uphenyo luzosheshiswa ukuze kufinyelelwe esinqumweni ngokushesha.Isiguli sesihloliwe ngudokotela wezengqondo, kuthiwa sisesimweni esigculisayo ngokwengqondo.
UMnuz Nathi Olifant oKhulumela uMnyango Wezempilo uthe, bazoqhubeka nokuqapha lolu daba. ” Umnyango uzoqinisekisa ukuthi imigomo iyalandelwa, kubhekwe nezokuphepha , inhlonipho nesithunzi sazo zonke iziguli,” kubeka u-Olifant.
