U-BIG ZULU UFEZEKISE IPHUPHO LOMCULI ONGABONI
UCEBOLENKOSI MAKHAZA, odume ngelikaKhazozo ISITHOMBE : INKABI RECORDS
AYANDA PHOSWA
KUFEZEKE iphupho lomculo oyimpumputhe oneminyaka engama-31 waseNewcastle, KwaZulu-Natal, kulandela ukutakulwa uBig Zulu, wamqophisa ngaphansi kweNkaba Records.
UCebolenkosi ‘Khazozo’ Makhaza, ongumdlali wesiginci, wavaleka amehlo eneminyaka emithathu ezelwe. UKhazozo ukhiphe albhamu ethi i1000, enolozolo lwengoma esihloko sithi ‘1000’ ayiqophe noBig Zulu, ngaphansi kwesitebele Inkabi Records.UKhazozo ugqame ngezingoma zakhe okubalwa iVuma Babe, Ibhodlela nethi Iphutha.
“Ukusebenza noBig Zulu kungenze ngazizwe ngibalulekile, sekuyisikhathi eside ngizama ukusebenza naye. Ngiyabonga kuBig Zulu neNkabi Records ngokunginika leli thuba ngoba izinkampani ezinye azithandi ukusebenzisana nabantu abakhubazeka njengami,” kusho uKhazozo.
Usazodedela amanye amanoni ahlanganiswe phansi kweNkabi Records, kanti awasilahlile isigqi nohlobo lomculo kaKhazozo okuhlanganise umaskandi ne-Afro Soul nesiginci, anongwe nesitayela sikaBig Zulu sokucula. Useke wabonakala emncintiswaneni ehlukene, i-Owethu Talent Search eyayihlelwe uWelcome “Bhodloza” Nzimande, ebheka amaciko kaMaskandi, uMbhaqanga ne-Afro Soul.
