IMBIZO YOKUBHUNGA NGOLWABOKUFIKA EVRYHEID

IMEYA kaMasipala waBaQulusi uCllr Sifiso Mkhwanazi, ethula inkulumo kwimbizo.

IMENENJA kaMasipala waBaQulusi uNkk Sbonga Dlamini.

AMALUNGA omphakathi ebephume ngobuningi bawo ezozwa umhlahlandlela ngodaba lwabokufika. IZITHOMBE: ABAQULUSI MUNICIPALITY

NOMCEBO NGEMA

KUBHUNGWE kabanzi ngodaba lwabantu bokufika, kwafundiswa umphakathi ngeqhaza abangalibamba ukulekelela uMasipala waBaQulusi namaphoyisa, ngesikhathi kunembizo eVryheid, namuhla.

IMeya kaMasipala waBaQulusi uCllr Sifiso Mkhwanazi, uthe inhloso yale mbizo ukuxoxisana nomphakathi, ngodaba lwabokufika ehlasele idolobha laBaQulusi, nezwe lonke.Uthi uMasipala waBaQulusi usebenzisana nezinhlaka ezahlukene okubalwa ezokuphepha, ezempilo, ezokuthutha, izibhedlela, uMnyango wezaseKhaya (immigration & Boarder Management Authority), amakhosi, izinduna, namaKhansela.

“Inhloso yale mbizo bekuzobonisana nomphakathi, ngezinhlelo zikaMasipala nezinhlaka esibambisene nazo ukulwa nalesimo, nokuchazela umphakathi ngeqhaza ongalibamba. Ukwenza izinto ngokulandela umthethosisekelo waseNingizimu Afrika,” kusho iMeya uCllr uMkhwanazi.Iqhube yathi le mbizo ibe impumelelo enkulu, umphakathi uthole ithuba lokuchazeleka ngalolu daba, oluthinta abahlali baseBaQulusini.