UHLONISHWE NGEZOBUDOKOTELA U-KAIZER MOTAUNG

UMBIKO: MABUNHLE MLABA
umusamedia1@gmail.com

UQWEQWE kwezokuphathwa kwebhola eNingizimu Afrika noSihlalo weKaizer Chiefs uDkt Kaizer “Shintsha Guluva” Motaung usehlonishwe ngeziqu zobudokotela (honorary doctorate) isikhungo semfundo ephezulu i-Wits University.
Sekungokwesibili uMotaung ehlonishwa ngeziqu zobudokotela (Doctor of Social Science) njengoba kwenza i-University of Cape Town ibungaza iqhaza alibambile ekukhuliseni unobhutshuzwayo nomphakathi ezweni ngo-2022.
“Ngizizwa ngithobekile njengoba ngemukela lezi ziqu ezivela kulesi sikhungo esikhulu kanje,” uMotaungu usho kanje ngoLwesibili ekhuluma nezinkumbi zabantu ebebegcwele eWits University’s Great Hall in Braamfontein. “Lokhu kuhlonishwa kuwuphawu lwendlela ende esengiyibambile ebholeni lakuleli eselingenzele lukhulu empilweni yami nakubantu abaningi.”
UMotaung, oneminyaka eyi-80 ubudala, uhlonishwa ngokwakha inqanawe yeqembu elidume umhlaba wonke. Wasungula iChiefs ngonyaka we-1975 ngemuva kokudlala kwi-Atlanta Chiefs yase-USA lapho adlala ndawonye nezihlabani ezinjengoPele waseBrazil nenkakha yaseGermany uFranz Beckenbauer.