KUKHANYA UMSAMO KOWE-CHIEFS OBELIMELE

MALIBONGWE MAZIBUKO

KUKHOMBISE ukukhanya kwezinto koweKaizer Chiefs obelimele, kulandela ukugixabezwa ngenkontileka entsha yonyaka.
UGeorge Matlou obekulindeleke ukuthi izinyawo zigcwale udaka kuleli qembu kwiKaizer Chiefs, ngemva kokuphelelwa inkontileka ngenyanga ka-June kulo nyaka.
Kuphenduke amatafula iChiefs isiqoma ukuthi imnike elinye ithuba ngenkontileka entsha yonyaka owodwa ezomgcina kuleli qembu kuze kube inyanga kaJune ngonyaka ozayo.
UMatlou ubhekane nobunzima eNaturena ngenxa yokuchitha isikhathi esiningi elimele, okwenze wachitha isikhathi eside ngesizini eyedlule engadlali.
IChiefs yasayina lomdlali ngonyaka wezi-2022 ngoJune, esuka kwiMoroka Swallows, udlale imidlalo eyi-40, wanqoba nendebe yeNedbank kulama sizini amathathu eseNaturena.
Kulindeleke ukuba kuphume isimemezele esisemthethweni ngenkontileka entsha enikwe uMatlou.