ALICACI IKUSASA LABADLALI BE-CHIEFS ABAYI-6
UMBIKO: MABUNHLE MLABA
LIYACIKIZELA ikusasa labadlali abayisithupha beKaizer Chiefs abazophelelwa izinkontileka ngoJune 30.
Ngokwemvamisa Uma iqembu lisazimisele ngokukugcina like liqale izingxoxo zokuvuselelwa kwenkontileka, kodwa kulokhu iChiefs izihudulela izinyawo. Kulaba badlali abadunguza ebumnyameni ngekusasa labo kunokapteni uYusuf Maart, izitobha uReeve Frosler, Edmilson Dove nabadlala phambili oRanga Chivaviro, George Matlou no Edson Castillo. Njengoba sekuyiwa ngasemaphethelweni esizini iChiefs isembhidlangweni wokuqeda kwiTop 8 nokuthi inqobe indebe yeNedbank Cup. Namhlanje izotholana phezulu ne Orlando Pirates kwiSoweto Derby e-FNB Stadium ngo 3 ntambama. Ngempelasonto ezayo eThekwini la maqembu azophinde ahlangane kwifayinali eyithikithi lokuyodlala kwi CAF Confederations Cup kozonyinqoba.