KUFUNWA UMSOLWA NGELOKUBULALA UKHOMANDA WAMAPHOYISA

UMBIKO: AKHONA DLAMINI

UFUNWA phansi phezulu owesilisa osolwa ngokuba umalugaju, kulandela ukubulala ngesihluku ukhomanda wamaphoyisa.
OyiNhloko yophiko oluphenya ngobugebengu obucayi kwisifundazweni eMpumalanga, ucela ukufuniswa lo msolwa Prince Gift Mdluli.
“Sihlaba ikhwelo kumphakathi ukuthi ufake isandla ekutholeni uMdluli ongumsolwa ecaleni lokudutshulwa kubulawe ngesihluku uKhomanda weVehicle Crime Investigation Unit (VCIU) e-Ermelo, uLieutenant Colonel Piet Pretorius,” esho.
Kuthiwa uLt Col Pretorius wadutshulwa kuwu mhlaka 16 kuJanuary kulo nyaka.
Uthi sekukhishwe
incwadi egunyaza ukuboshwa kwalo msolwa.
Uveze ukuthi Mdluli ugcine ukubonakala KwaZulu-Natal eBergville, Howick, naseMzimkhulu.
Uthi ongase abe nomkhondo kaMdluli uyacela athinte uMseshi uCaptain Jacob Ras kule nombolo-082 462 0760.