UMASIPALA WETHEKU WETHULE INYANGA YOKUKHUCULULA KWAMASHU

IZIKHULU zethula uhlelo lokutshalwa kwezihlahla.

KUSETSHENZISWE noSomahlaya ukuze kwethulwe lolu hlelo. IZITHOMBE: ZITHUNYELWE

AKHONA DLAMINI

UMASIPALA weTheku ubeke eqhulwini eyokuhlanzeka kwedolobha, lokhu kufakazelwe ukwethulwa ngokusemthethweni iNyanga Kazwelonke Yokuhlanza, iClean-up Month, KwaMashu Community Hall, ngoLwesibili.
Lokhu bathi bakwenze ngenhloso yokukhuthaza imiphakathi ukuthi ibambe iqhaza ekugcineni izindawo ehlala kuzo zihlanzekile.

Lolu hlelo lungaphansi kwesiqubulo esithi ‘It Starts With Me’ , kutshalwe izihlahla ezindaweni ebisiphenduke isidleke sokulahla imfucuza ngokungemthetho, ebisilungiswa isibili.
“Lesi sinyathelo esihlose ukubuyisela impilo kule ndawo nokuyenza ibe ngeluhlaza nephilile,” kusho okhulela uMasipala weTheku uMnuz Senzo Mzila.

Kulo mkhankaso ugcizelele ukubambisana phakathi kukaMasipala nomphakathi, ekulweni nokulahlwa kukadoti ngokungemthetho nokuvikela imvelo.
UMasipala uthembise ukuthi lolu hlelo luzoqhubeka kuze kuphele inyanga kaMandulo.