KUTHOLAKALE ISIDUMBU SOWESIFAZANE SINQUNU OTHONGATHI
UNOGADA wakwa-Rusa eduze kwesidumbu sowesifazane. ISITHOMBE: RUSA
NOMCEBO NGEMA
KUTHOLAKALE isidumbu sowesifazane sinqunu endleleni ebheke emfuleni, ngaseThempeli elidala eMona, oThongathi. Lesi sidumbu sitholakale izolo ekuseni, ngezithuba zabo 07:15.
Lo obone lesi sidumbu ube esewuhlaba umkhosi konogada bakwa-Reaction Unit South Africa (RUSA).
Abakwa-Rusa bathole umzimba walona wesifazane unamanxeba, kubekwa ithawula emzimbeni wakhe, budebuduze nesidumbu sakhe kube sekuthokala ibhande.
Ngokusho kwamalunga omphakathi lo wesifazane ubenengxabano nesoka lakhe kuthangi ebusuku.