ISILILO NGOKUDLULA EMHLABENI KUKA-WELEKAZI

UKHANSELA uWelekazi Sibiya. ISITHOMBE: SITHUNYELWE

AKHONA DLAMINI

UMASIPALA weTheku sewuzwakalise ukudabuka okukhulu ngokudlula emhlabeni kaCllr Welekazi Sibiya, obeyilungu loMkhandlu weTheku.

UCllr Sibiya ubebebambe iqhaza ezinhlelweni zoMkhandlu, eveza izindaba ezithinta umphakathi abewusebenzela, aphinde abe namagalelo ezindabeni zokubusa ngendlela efanele, isibopho sokuphendula kukahulumeni nokuhanjiswa kwezidingo.

USomlomo kaMasipala weTheku, uThabani Nyawose, uthe uMkhandlu ulahlekelwe igugu lomphakathi ebelisebenza ngokuzimisela.
“Sigqemeke engeqiwa ntwala ngokudlula emhlabeni kukaSibiya. Ukudlula kwakhe kushiye isikhala esingaboni ukuthi kuyoke kube khona ozokwazi ukusivala kuwo wonke uMkhandlu, siyawubonga umsebenzi awenzele lo mkhandlu,” kubeka uNyawose.

UMasipala weTheku uphinde wadlulisa amazwi enduduzo emndenini, kubangani, nokozakwabo.