UBESEZINGENI OWAMAHLAYA KA-PROH NDLOVU
USthembiso “Pro” Ndlovu ubengumnikazi womcimbi nokukade kuwusuku lwakhe lokuzalwa. ISITHOMBE: SITHUNYELWE
Izethameli zomcimbi bezihleka kuvele elomhlathi. ISITHOMBE: SITHUNYELWE
AKHONA DLAMINI
BEKUPHUME nesinedolo emcimbini wamahlaya obubanjelwe e-Stable Theatre ngoLwesihlanu, ebusuku.
Lo mcimbi ubuhlelwe usomahlaya uSthe “Pro” Ndlovu bowubophele izinkakha zosomahlaya okubalwa Amawele ase-Chesterville, Simphiwe Shembe nabanye abaningi.
Lo mcimbi usondele kakhulu enhliziyweni ka-Pro njengoba bekuwusuku lwakhe lokuzalwa, kuphinde kufezeke iphupho lakhe leminyaka. “Kudala ngifisa ukwenza lo mcimbi, inkinga kuyimali. Kwenzeka isimanga ngaba nephupho kufika umfundisi wami engithethisa ethi angibe nesibindi konke kuzohamba kahle,” kusho uPro.
Bambongele kakhulu uPro ozakwabo bamfisela nezilokotho ezinhle. Baphinde bababaza ubunkunzi bakhe njengoba engavumelanga izimo ezinzima abhekane nazo empilweni zimthene amandla.